Amma töffari

Yellow my children!
Long time no see...
Lítið að frétta svona eins og vanalega, læra læra læra, svefnlitlar nætur og smá hrotur í tímum...hehemm...er annars að vona að álagið minnki örlítið á næstunni þar sem ég hef minnkað námið aðeins...allt í góðu með það.

Annars skruppum við stórfjölskyldan upp í bústað í Brekkuskóg fyrir liðlega þremur vikum. Tilefnið: jú, amma orðin níræð! Sú gamla þverneitaði að hafa veislu í bænum, pantaði bara bústaðafyllerí með fjölskyldunni! Og henni varð að ósk sinni, mikið um fjör í sveitinni, gítarinn, bongótrommur og góða skapið með í för...barnabörnin náttúrlega með smá uppákomu í tilefni dagsins og vöktu mikla lukku meðal áhorfenda...góður matur og vín á boðstólum og sannkallaður veislubragur á öllu saman enda dugði ekki annað til handa töffaranum henni ömmu. Jú, amma er nefnilega dálítið mikill töffari þrátt fyrir aldur...spilar á rafmagnsgítar, gengur um í dúnvesti með Rolex úr og í Converse skóm...náttúrlega alltaf nýkomin úr lagningu. Geðveikt cool.
Áður en ég fór hafði mér verið skipað af söngkennaranum mínum að gjöra svo vel að sofa vel og hvíla mig í sveitinni því röddin var farin að bera mikil þreytumerki í tímum. Jú jú, ég lofaði því og ætlaði svo sannarlega að nýta tækifærið og sofa út. Nema hvað...þegar kom að því að leggjast til svefns...haldiði ekki að þessar mongó hrotur hafi brotist út frá ýmsum fjölskyldumeðlimum og ég var stödd í miðjum látunum...get svo svarið það að ég hafi heyrt allar tegundir af hrotum sem fyrirfinnast í heiminum...á tímum var eins og ég væri stödd í miðjum Jurassic Park...hrökk í kút á sekúndna fresti við ný risaeðluhljóð og hjartað alveg á milljón í brjáluðum látum...Ákvað að ég myndi aldrei nokkurn tímann sofna við þessa geðveiki...flúði fram og fann bræður mína glaðvakandi og við trúðum ekki okkar eigin eyrum...lágum öll glaðvakandi og meira að segja mýsnar gátu ekki sofið heldur, heyrðum þær krafsa í veggjunum...eða kannski voru það fuglar (póteitó pótató) en að lokum róaðist liðið og við fengum smá svefn.
En að þessu undanskildu var ferðin success og amma hæstánægð.

Jæja nóg í bili.

Tjá tjá!

Hvað er ég að spá?!

Jæja krakkar mínir, þá er alvaran tekin við. Eftir langþráð og frábært frí með Ásmundi á Ítalíu er maður loksins byrjaður í skólanum. Jú mikið rétt, maður er orðinn (eða kannski er maður farinn að sýna sitt rétta andlit, veit ekki) MEGA nörd. Já lífið í jarðeðlisfræðinni er ekki dans á rósum, hvað þá þegar maður hefur verið í ársfríi og man ekki neitt hvað maður lærði í menntó...og til að flækja málin enn frekar er námsefnið nú á enskri tungu. Er búin að upplifa mörg augnablik þessa síðustu viku þar sem ég stoppa og hugsa með mér ,,HVAÐ ER ÉG EIGINLEGA AÐ SPÁ?" En vonandi fer þetta batnandi og maður fer að skilja e-ð sem fram fer í skólastofunni...
Hins vegar er ég mjög ánægð með að vera byrjuð aftur í Söngskólanum (mín vegna mætti hann vera allan ársins hring...hehe) og fer nú brjálæðið í gang...háskólinn, Söngskólinn og kórinn...þannig að ef þið viljið hitta mig þurfið þið að panta viðtalstíma ...nei djók kannski verður það ekki svo slæmt....
En á öðrum nótum, við pabbi skruppum í dag og fjárfestum í einu stykki bíl...heimsóttum hann Knút pabba hennar Veru sem var að reyna að losna við líka þennan fína bíl og við þurftum ekki að hugsa okkur mikið um, skelltum okkur á græjuna...ekki slæmt það...

Svona lítur hann ca út...er bara silfurgrár og geðveikt flottur...

En allavega...nóg í bili...þarf að fara að læra (ekki ólíklegt að þið eigið eftir að heyra þetta mjög oft í vetur...þessa dagana er maður alltaf að læra!)
Ciao!

P.S. komnar inn fleiri myndir frá Ítalíu ef þið voruð ekki búin að skoða þær!

Sólstingur eða ofneysla öls???

Varúð! Þetta blogg er í boði Ástu og Ingunnar!
Áhugasamir eru beðnir um að kommenta hjá okkur báðum! Takk fyrir og góðar stundir :)

Loksins loksins er Ingunn komin til Milano:D
Fyrstu dagarnir fóru í tjill! Ásta ætlaði að sýna Ingunni allar frábæru verslanirnar sem eru hérna í Milano! Einhverjar búðir eru í sumarfríi en þegar við löbbuðum í bæinn var ALLT lokað! Ásta fylltist skelfingu... búin að lokka Ingunni alla þessa leið og svo allt lokað:S ...nema dómkirkjan! Þar lentum við í miðri messu og áttuðum okkur þá á að það var heilög Maríumessa! Tveim dögum síðar opnaði H&M og co aftur og við tókum gleði okkar á ný!
Svo á föstudaginn fórum við í stærsta skemmtigarð Ítalíu, Gardaland! Við ákváðum þennan dag því veðurspáin var ekkert það góð og við héldum að þá yrðu færri í garðinum og við myndum límast minna við rússíbanasætin! Á föstudagsmorgun héldum við svo að það væri að rætast úr veðrinu og hættum við að fara. Svo hættum við við að hætta við og höfðum 2 min til að taka okkur til!! týpískt við!! við hlupum út með tóman maga, heví myglaðar og vel klæddar! vorum í síðbuxum og ingunn tók meira að segja með sér já-flíspeysuna!! Við mættum á seinustu stundu í lestina sem var pökkuð og engin sæti eftir:( en það var ekkert sjokk miðað við það þegar við sáum veðrið í Gardalandi!!! Steikjandi sól, ekki ský á himni og milljón manns sem voru léttklæddir, sumir berir að ofan!! og við endurtökum: við í síðbuxum og með peysu til vonar og vara!! Við höfðum kynnt okkur garðinn kvöldið áður og búnar að sverja þess eið að fara aldrei í ákveðin tæki! ALDREI!! en þegar á hólminn var komið breyttust áætlanir mjög og í lok dagsins höfðum við BARA farið í áður tilgreind tæki! Þegar heim var haldið voru sumir með dúndrandi hausverk eftir að hafa eytt hálfum degi á hvolfi... og kannski líka því við borðuðum bara e-ð smá rusl og drukkum örugglega minna en við svitnuðum:P
Myndir af ósköpunum má sjá á nýjum línk hér til hliðar! Við sáum okkur tilneyddar að fjarlægja nokkrar myndir sökum ofmagns af svita!
Hér er svo vídjó af einum rússíbananum sem við fórum í, Blue Tornado! Þar sat maður ekki heldur hékk með fætur lafandi... reyndar fóru tungur og fleira að lafa á þessum ógnarhraða!! Látið ekki blekkjast ! Þetta tæki er VIÐBJÓÐUR!! Það er sjö sinnum verra en það lítur út fyrir! og ber okkur að tilkynna að hávaði mun einnig hafa verið sjö sinnum meiri þegar við vorum um borð... Enjoy;)

http://www.youtube.com/watch?v=8Dd_PhoX6dk

Og já... endilega drullist til að kommenta á myndasíðunni;)

And I'm off!

Alors mes chouchous...þá stóra stundin loksins runnin upp...síðasti vinnudagur sumarsins í dag og langþráð sumarfrí með Ása á Ítalíu alveg að renna í hlað...can't wait! ;) Allt stefnir í góðar stundir og brjálað fjör á Mini Hotel Asta...
Allir lausir endar hafa verið hnýttir og nú þarf bara að klára að pakka....passa sig á að pakka ekki of mikið af hlýjum fötum...mér skilst að það sé engin þörf á þeim...nema þá kannski til að klæðast á leiðinni heim því það er náttúrlega alltaf skítkalt í rokrasskatinu úti á Leifsstöð...
Jæja nenni þessu ekki lengur...er að fara til Ítalíu!!!

Later gators!

Italia sto venendo!

Komið þið sælir litlu álfarnir mínir! Nú sit ég í vinnunni eins og alla aðra daga að þræla mér út áður en ég skrepp í heimsókn til Ástu á Ítalíu! Hlakka ekkert smá mikið til...einungis 15 dagar í brottför!!! Þá verður loksins hið langþráða sumarfrí...slappað af, legið í sólinni, skoðað um, verslað í H&M, synt í Como og margt fleira skemmtilegt...eins og að hanga á Clooney setrinu eða heilsa upp á Kidda Jó...hehe...vona bara innilega að það verði ekki hitabylgja eins og er búin að vera að ganga um Evrópu...held að 40 gráður upp á hvern dag sé heldur mikið af því góða...
Þetta verður fyrsta skipti sem ég kem til Ítalíu og því kjörið tækifæri til að kynnast landi og menningu...svo ég tali nú ekki um að bæta hinn fátæklega ítölsku orðaforða...en hann hljóðar upp á:

Buon giorno principessa!
Buena sera!
Grazie mille!
Viva Italia!

And that's about it...fyrir utan einhverja söngtexta, en ég held að þeir komi ekki að notum...treysti bara á að Mr. Ásmund reddi málunum ef við lendum í vandræðum...hehe

Ciao!

Lítill ferðalangur...

Yellow my children!

Langt síðan maður bloggaði síðast enda lítið í fréttum...hálfgerð gúrkutíð í þessu sumarleysi á Íslandi...
Það má segja að eina merkilega sem gerst hefur undanfarna daga er að Ásta litla fór til Ítalíu í sól og sumaryl og var svo elskuleg að lána mér bílinn sinn á meðan hún verður úti...mjög þakklát því ;*

Annars rakst ég á þessa sniðugu síðu á blogginu hjá Björgu um daginn...



create your personalized map of europe

Eins og staðan er í dag eru þetta löndin sem ég hef heimsótt í Evrópu og má sjá að ég þarf að fara að bæta fleiri löndum við...



create your own visited country map

Samkvæmt þessu korti hef ég heimsótt 12 lönd í 2 heimsálfum...en þau eru einungis 5% af jarðskorpunni...þetta er ekki nógu góð frammistaða og þarf því að bæta úr þessu...bara 95% eftir!

Ég hefði nú haldið að ég væri frekar veraldarvön miðað við marga aðra...búin að fara til Afríku og alles...en greinilega ekki! ;)

Gleðilega hátíð kæru Íslendingar!

Hæ hó jibbý jei ó jibbý jei...það er kominn 17.júní!

Já komið þið sæl krúttin mín og gleðilega þjóðhátíð! Nú sit ég í vinnunni og svara símanum í rífandi stemmningu...úti er rigning sem er ekki skrítið því eins og þið vitið er nánast undantekningalaust rigning á 17.júní...
Eitt er þó sem ég skil ekki...hvers vegna þarf fólk að fara að versla á þessum merkisdegi...ok ég skil ef það þarf að skjótast út í búð og kaupa e-ð sem vantar í matinn...en af hverju þarf fólk að fara í búðarráp í Kringlunni og verður svo brjálað ef það er lokað? Er ekki hægt að gera e-ð annað á þessum eina degi sem er lokað? Show some imagination people! ;) OK er hætt að rausa...hafið það gott í dag og gerið e-ð skemmtilegra en að fara í Kringluna...bara fyrir mig...sem er föst í vinnunni í allan dag...

Smá fróðleiksmoli :
Nú eru liðin 62 ár frá því að Íslendingar öðluðust sjálfstæði og heil 195 ár frá því að Jón Sigurðsson leit dagsins ljós á þessum merkisdegi.